Imperitus magister paratum naufragium et sine disciplina

praepositus discipulorum pernicies.

Indoctus pastor subvertit ovium plantas et praepositus disci­

pulorum vias. Non agnoscit in nebula inter medium ovium impe­

ritus pastor neque in tempore temptationum dicit aliquid quid

expediat magister indoctus.

Magistratus belli et passionum medicus est peritus praepositus:

aut vulnerari non sinit aut vulneratum velociter sanat.

Inoboediens discipulus lignum perversum et non emendatur si

arguatur assiduo.

Incoveniens frater quasi lyrae dissonans nervium et si conve­

nerit commune membrum exterminat.

Bombones comedunt apum labores et disidiosus frater concilii

magnifica gesta inutilia reddit.

Timidus miles dissolvit bellantium manus et negligens mona­

chus alacritatem fratrum relaxat.

Examen apum operatur favum et congregatio fratrum regnum

dei.

Tuba excitat constantiam bellatorum et discipulorum studium

doctrina actualis virtutis.

Tuitionum verbis, o praeposite, quasi armis discipulos tuos

munire festina et lorica circumda promissionibus futurorum bono­

rum: scuto vero fidei protege eos et spei quae in deo est galeam

capiti eorum inpone: et evangelicis doctrinis crura eorum orna et

praecinge lumbos eorum sermonibus castitatis: da in manibus

eorum gladium adversus passiones acutissimum furorem et resiste

aciei vitiorum.

Exerce in cogitationibus quos armasti, si periti sunt ad bellan­

dum: et ostende terribilem comminationem aeterni supplicii si

vincantur.

Victorem praedica multis et splendidis laudibus: novit siquidem

etiam laudis praemium studiosiores efficere: et eum quem decep­

tum videris, compatiendo ei adhibe medicinam: non enim

minus compassio quam comminatio prudentem commovet.

Ne commovearis in furore delinquente discipulo: non enim

iustum est, ut te ipsum vulneres prius quam alteri curam

adhibeas: sed patienter eum corrige ad bonum: nam et

medicus curat quidem passionem, non tamen indignatur ei qui

invitus aegrotat. Cum secaverit medicus, sine ira hoc faciet: et

obiurgans magister ne correptionem furori inmisceat.

Fugientes terram Aegypti per viam deserti deducas: novit

enim raritas ad continentiam erudire et incipientes exercere ad

virtutem. Commorare facito in Aelim (quae portae interpretantur

quae ad virtutis viam consuerunt producere) et ostendito qui­

dem septuaginta arbores palmarum. Habitare autem fac eos

secus duodecim fontes — oportet enim ea quae sunt victoriae

insinuare (palmae habentur insignia) et, unde passionum

flamma mitigetur, largissimum fontem —, donec omnes gentes

contrarias destruentes in oram promissionis perveniant, in qua

beatam inpassibilitatis vitam vivere possint mercedem laborum

suorum veram percipientes laetitiam.